ថ្នាំញៀនជាង១០លានគ្រាប់ ត្រូវតម្រួតថៃបង្ក្រាបបាននៅខេត្ត សមុទ្រប្រាកាន
23-November-2017 | ដោយ ពលមនសិការ
ប្រទេសថៃ ៖ មេក្លោងជួញដូរថ្នាំញៀនដ៏ធំមួយ ប្រចាំខេត្តសមុទ្រប្រាកាន ប្រទេសថៃត្រូវកម្លាំងតម្រួតធ្វើការស្រាវជ្រាវនិងតាមប្រមាញ់រហូតឈានដល់ការចាប់ខ្លួន រួមជាមួយនឹងវត្ថុតាងដ៏ច្រើនមហិមាគឺថ្នាំញៀនប្រមាណ ជាង១០លានគ្រាប់ ខណៈដែលមុខសញ្ញានេះបានបង្ហាញខ្លួននៅកន្លែងលាក់ថ្នាំញៀន។
យោងតាមរបាយការណ៍របស់ភាគីថៃដែលយើងទទួលបានគឺ កន្លងមកដោយមានការចង្អុលបង្ហាញពីសំណាក់មុខសញ្ញាចែកចាយថ្នាំញៀនជាបន្តបន្ទាប់រួចមក សមត្ថកិច្ចបានដាក់កម្លាំងតាមប្រមាញ់និងឃ្លាំចាំពិនិត្យមើលមុខសញ្ញាជួញដូរថ្នាំញៀនដ៏ធំម្នាក់ដើម្បីចាប់ខ្លួនយកមកផ្តន្ទាទោសតាមផ្លូវច្បាប់ ។
ទីបំផុតនៅវេលាម៉ោង១និង៣០នាទី រសៀល ថ្ងៃទី២១ ខែវិច្ឆិកា ឆ្នាំ២០១៧ មុខសញ្ញាបានបង្ហាញខ្លួននៅត្រង់ចំណុចផ្ទះលេខ ៣៣/៤៣៣ ក្នុងឃុំបាងកែវ ស្រុកបាងភ្លី ខេត្តសមុទ្រប្រាកានប្រទេសថៃ ទើបសមត្ថកិច្ចធ្វើការឡោមព័ទ្ធ ព្រមទាំងបាន
ចាប់ខ្លួនជនសង្ស័យ ដែលមានឈ្មោះ ផុង សៈកន ឬ ឈ្មោះ បម ប្រាក់វ៉ន ភេទប្រុសអាយុ២២ឆ្នាំ ដែលជាមុខសញ្ញាវ័យក្មេង ។
ក្នុងកិច្ចប្រតិបត្តិការនេះ សមត្ថកិច្ចបានធ្វើការឆែកឆេរក្នុងលំនៅដ្ឋាន និងបានរកឃើញថ្នាំញៀនប្រភេទយ៉ាម៉ា ចំនួន ១០ ៣១០ ០០០ គ្រាប់ ដែលជនសង្ស័យលាក់ទុកនៅក្នុងផ្ទះរបស់គេផ្ទាល់ដោយបច្ចុប្បន្នកំលាំងសមត្ថកិច្ច បានប្រគល់ជនសង្ស័យរួមទាំងវត្ថុតាងទៅអោយអង្គភាពជំនាញដើម្បីចាត់វិធានការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ3161
- ម្សិលមិញ10851
- សប្តាហ៍នេះ69681
- ខែនេះ184831
- ឆ្នាំនេះ184831
- សរុប20627287